التخطي إلى المحتوى الرئيسي

#قرية_عرب_الكلابات


#قرية_عرب_الكلابات

امبارح رحت القرية دي لأول مرة في حياتي
القرية دي عبارة عن بيوت من الطوب و الطين و بس و الباقي اراضي زراعية مساحتها مش كبيرة
ملهاش مواصلات اساسية و بيتنقلوا في عربيات نقل صغيرة متقفله عشان يقدروا يقعدوا فيها
 اول ما دخلت شوفت مشهد عمري ما شوفته غير في مشهد مثلا من فيلم
شوفت واحدة ملثمة بشالها الاسود اللي ظهر عليه انه إستهلكه الزمن و المجهود
واقفه بتاخد واحدة تانية علي عربية صفيح بيجرها حمار ( كارو متقدمة يعني ) ست زي ما بنقول ب1000 راجل
تعمقنا في القرية بيوت جنب بعض طريق طويل ضيق اولاد و بنات بيجروا في الشارع
بدأنا نتجمع و لقيت البنات و السيدات بدأوا يسألوني هنعمل إيه
لما بدأت اللقاء بتاعي لقيت بنات بتقول انا مش معايا ورق و معنديش تأمين صحي و لا حتي رحت اامدرسة
لقيت كل واحدة منهم بدأت تسألني عن حقوقها اللي مكانوش يعرفوها
الرجالة كانوا ضيوف شرف ... مش مهتمين عشان السيدات بعد ما يطلعوا بطايقهم هيطالبوا بميراثهم منهم
بس لما لقيوا مصلحتهم مع ان ستاتهم يبقي معاهم بطاقة بدأوا يهتموا بالموضوع
 لدرجة ان في واحد منهم كبير في السن بعت لزوجته عشان تيجي تشارك في جلستنا و تسمع الكلام بتاعنا وتعرف حقها و حق ولادها و بناتها
بالرغم ان الحق اللي بنطالب بيه للمرأة حق شرعي إلا ان الرجالة هناك بيبخسوه علي بناتهم
عرب الكلابات دي القرية اللي اتقتل فيها 12 شخص في ثأر في يوم واحد بسبب جهل رجالتهم
امراض المجتمع دي بتتفشي بشكل مش طبيعي بسبب طمع و عنف الرجالة هناك
تحية للست اللي سابها راجل هي و عيالها و نزلت تشتغل باقل إمكانياتها و بقيت فعلا ب 100 راجل 

تعليقات

إرسال تعليق

المشاركات الشائعة من هذه المدونة

#مش_عايزين_منكم_حاجة

# رحلتي دعوة بعنوان  # مش_عايزين_منكم_حاجة النهاردة وانا بقلب في الفيس لقيت أكتر من حد مشير حاجات عن ارتفاع أسعار اللحوم لقرب رمضان وأن الكيلو وصل ل٩٠ جنية وكنت من فترة بسمع كمان ان اسعار الطيور زادت بشكل ةغير مسبوق بس كنت بعتقد ان دا مجرد رد فعل لزيادة سعر الدولار مقابل الجنية لكن الغير مسكوت عنه ان الاسعار ترتفع بالشكل الجنوني دا من غير ما يبقي فيه أي مراعاة للناس اللي أحوالهم المادية صعبة واللي دخلهم مش بيتناسب مع الاسعار دي انا من النهاردة هعمل مبادرة #مش_عايزين_منكم_حاجة قاطعوا التجار اللي بيبيعوا اللحوم والطيور لأنهم مش بيزيد عليهم حاجة هما بينتهزوا فرصة ان اي زيادة في اي عملة بيعمل عدم توازن لمرتبات الموظفين وبيبدأوا يعلنوا اشاعة مبدئية عن زيادة الاسعار ويزيد السعر من ١٠ جنية ويتدرج بعدها لزيادة ممكن توصل ١٥٠٪ يعني لو الكيلو في العادي ب٦٠ جنية بيبيعوه هما ب١٨٠ جنية ودي حصلت في سنة من السنين ولما لقيوا الناس بتشتري بردو عجبتهم اللعبة فعاثوا فيها فسادًا تعالوا نزود دخول البسطاء فيه سيدات ربات بيوت بيربوا الطيور على اختلافها وبعض الحيوانات القابلة للذبح ...
إرسال تعليق
قراءة المزيد

ابدا لم يكن حب

(2) كان يوم طويل وممل نوعا ما لا شيء جديد لا شيء يشغل تفكيري سوي هذا الباهر وطوال انتظاري لليلي أختي الكبرى لأري ما الذي تحدث عنه العم شهاب كنت أحب هذا الموقع المطل علي النيل اعشق رؤية المياه و خاصة النيل حتى إنني أتنقل عن طريق الانش اما اختي فهي مهووسة بسيارتها الجديدة التي اهداها لها جدي جلست انتظرعلي الكورنيش اعلم انها ستاتي هي تعشق الاكل السريع وهاهي تظهر بصحبة شاب اسمر اللون ملامحه حادة شيء ما جعلني انزعج منه ,اعتدت ا ناره يعمل في الفندق لكني لم اركز ابدا في ملامحه او تفاصيله قبل اليوم ادم : ليلي ...ليلي ليلي : ادم لماذا انت هنا؟ ادم : اريد التحدث معك ليلي :حسنا تحدث ادام : لا ليس هنا ,(امسكت بذراعها حتي نبتعد قليلا لكنها جذبت زراعها من يدي) ليلي : لا ادم : ماذا هنا تدخل هذا الشاب ووقف بيننا وهو ينظر لي بكل شراسة الشاب : الم تسمعها قالت لك لا ليلي : عامر ماذا تفعل ؟ ادم : من انت لتتدخل بيني وبين اختي ؟من تظن نفسك ؟! عامر : اختك ...اسف ,حقا لم اكن اعرف ادم : ليلي علينا التحدث شيء هام ليلي : هل ارسلتك امي ؟ ادم :لا هي لا تعلم بوجودي ليلي : اذن ما...
إرسال تعليق
قراءة المزيد

ابدا لم يكن حب

(4) مر الوقتت ببطئ في انتظار امي كنت اعلم انها غاضبة وهي لا تتحمل ان تبقي دون ان تفرغ ما بداخلها خاصة عندما اكون سبب غضبها , لكن لماذا لم تأتي حتي الان ؟ ولماذا لم تطلب حضوري ؟ ما هو الشيء الذي يبقيها بعيدا , قاطعتني السيدة زهرة التي لم اشعر بدخولها الي غرفتي ولا بندائها المتكرر علي زهرة: اين ذهبت بك الافكار؟احدثك من فترة ادم: لا شيء هل ارسلتكي امي؟ زهرة: نعم لقد خرجت منذ قليل جائتها مكالمة هاتفية، وتطلب منك الا تنام حتي تاتي ادم :مكالمة هاتفية ممن؟ زهرة :لا اعرف، العشاء جاهز ادم :لا حاجة لي بالطعام زهرة: لماذا انت لم تاكل جيدا علي الغداء وجالس في شرود؟ ادم: عادي انا لم احب طعاما بقدر الطعام الذي تعديه لي بيديك الجميلة، اجلسي ارجوك اريد ان أسئلك عن ابي زهرة: هذا هو الامر اذن، اعرف ان وقت ذكري وفاته قد اقترب حسنا ماذا تريد أن تعرف؟ ادم: منذ متي وانت تعملي لدينا؟ زهرة منذ ان كان والدك طفلا ادم: هل تعرفي كيف التقي ابي بامي واصدقاء ابي؟ وكيف كان ابي؟ زهرة: ابيك كان رجل منذ شبابه صاحب اخلاق رفيعة , كان طيب القلب لكنه قد يتحول للقسوة في لحظة لو قمت باستنفاذ فرصك لدي...
إرسال تعليق
قراءة المزيد