اشتغل من بيتك بأقل مجهود السلام عليكم ورحمة الله وبركاته حاجة كده للإفادة الجماعية وربنا يكرمم ويرزقنا أجمعين بكل خير :) انا بشتغل على النت ازاي؟؟؟؟؟؟؟؟ طبعا فيه ناس كتيرة منكم سألت نفسها وسألتني السؤال دا شوفي يا ست الكل انتي وهي صحصحي كده معايا وركزي شوية عشان توصلك الفكرة الشغل اون لاين سهل بس المجالات اللي بتبقي بسيطة بتلاقي فيها منافسة كتيرة زي ما طبعا بتشوفوا احيانا بنقول في بوستاتي ان دا اختبار للشغل وبنستني فترة لغاية ما العميل يرد انا معرفش العملاء بشكل شخصي دي ناس بتبقي موجودة على مواقع العمل أون لاين عندهم مهام معينة عايزينها في وقت أقل من اللي ممكن يستغرقه الماكتب الروتينية في الشركات مثلا هتلاقي المكتب عنده حسابات ووقت محدد للعمل وناس كتيرة وممكن الشغل يبقى وحش وسعره غالي وهكذا لكن على المواقع اللي بقولكم عليها دي بتلاقي العميل يقدر يختار أكتر من شخص ويعملهم اختبار وبعدها يستقر على حد منهم وممكن يوف اكتر من شخص ويتواصل معاهم بطريقة اسهل واسرع وكمان ليهم مدة غير محدودة لساعات العمل في اليوم وطبعا يقدر يلغي الاتفاق مع الشخص في حالة انه لقى الشغل سيء ...